Lugo Salvaxe

A Fervenza (O Corgo)

2008-08-04T22:44:00.011+02:00

O primeiro é comentar que foi un pouco complicado chegar ata o lugar coa única axuda deste plano. Mellor dito foi imposible, porque houbo que preguntar nunha tenda en Lousada como dar coa Fervenza. Todo isto foi debido a que xa tomada a "Carretera vella", que debe ser moi coñecida (pero non na miña casa), o mapa dá a entender que o "Camiño" se atopa 5 quilómetros máis alá. E 5 quilómetros máis alá non tiñamos pasadas nin as pontes debuxadas... Así que pensamos que a carretera non era a correcta, e demos máis voltas ca unha buxaina. As persoas de Lousada guiáronnos doutro xeito, no canto de coller o "Camiño" continuamos ata tomar un desvío á esquerda nunha curva bastante pechada, seguindo un cartel que poñía A Fervenza. E ao final, chegamos, pero o caso é que o devandito cartel referíase á Casa Rural, non á Fervenza en si, así que preguntamos a un home cun can e cun rabaño de ovellas onde se atopaba o que queriamos ver(aínda que a oiamos, non sabiamos por onde había que tirar). E o bo do pastor mandounos dous kilómetros en sentido contrario (cousas que pasan), así que tras un tempo camiñando e sospeitando que o home nos mandara en dirección contraria polo "Camiño" do mapa cara a ponte no Neira, decidimos dar a volta. E topamos co pobre home e mais o seu rabaño. E dixémoslle que sí, que xa estabamos de volta. O caso é que cando escoitamos a Fervenza de novo, conseguimos achegarnos (sospeito que violando leis) e tomar algunas fotos e videos. Eu penso que toda a aventura mereceu a pena. Velaí van as imaxes. Unha aperta,

Lugo Salvaxe.

Fotografías

Videos

(Quedan dous videos pendentes de subida)

Pedregal de Irimia (Meira)

2008-03-28T11:35:00.026+01:00

O Pedregal de Irimia está situado na Serra de Meira, a escasos kilómetros da vila de Meira e a 34 km de Lugo. É o lugar onde manan as primeiras fontes do Miño, augas que van dar á lagoa de Fonmiñá na Pastoriza.

Nacemento do río Miño.

Tea de araña mollada.

Seguindo o curso.

Liques.

Plantas silvestres.

Lesma.

Videos:

Nacemento.

Lesma.

Curso.

Castro de Viladonga (Castro de Rei)

2008-03-23T11:01:00.008+01:00

Este conxunto arqueolóxico clave para estudar e coñecer a evolución da Cultura Castrexa na etapa galaico-románica está situado no concello de Castro de Rei, provincia de Lugo, a 23 km. da capital lucense. Chégase a él dende o km. 70 da estrada N-640 (que une Lugo con Asturias pola Veiga do Eo). O xacemento é un verdadeiro modelo formal de castro característico do Noroeste, con varias murallas e foxos, que albergan dous antecastros ou antecroas, conformando aterrazamentos, e unha ampla croa ou acrópole ou coroa central.

Páxina web do museo do Castro de Viladonga

Ínsua de Seivane (Outeiro de Rei)

2008-03-20T11:56:00.007+01:00

(Click no croquis para velo máis grande)

A Ínsua de Seivane, situada en Outeiro de Rei, entre Gondai e Martul, tamén é coñecida como a "Illa da Ponte Colgante".
De 2,5 km de perímetro, constitúe un paraxe sen igual, xa que ao estar tan illada durante a súa historia conserva moitas características que noutros lugares se foron perdendo.
Carballos, amieiros, acivros... son, entre outras especies animais e vexetais, os afortunados e exclusivos poboadores da illa.

Fotografías:

Ponte Colgante de cara á ínsua.

Ponte colgante dende a ínsua.

Beira do río dando a volta á ínsua.

Primaveras silvestres á esquerda e varias "leiterenas" (Euphorbia helioscopia) á dereita, segundo puiden averiguar, porque nunca antes vira esta planta!

Outra fotografía de leiterenas.

Árbores ao internarse na ínsua.

Beira oposta do río dando a volta á ínsua.

Planta que tampouco vira antes, se alguén sabe o nome, que mo comunique!

Outra fotografía da planta incógnita.

Remuíño.

Peixes saltando no río.

Fento equilibrista na póla dunha árbore.

A ponte colgante dende a ínsua, onde se pode ver o cartel onde se lé a mensaxe "Non abalar, a ponte é para todos".

Merendeiro.

Refuxio de pescadores.

Videos:

NOTA: Croquis e algúns datos obtidos de Lugonet.